港聞

港聞二

下一篇
上一篇

【Emily】鄧二哥被冒名 假電郵含侮辱字眼

【明報專訊】網上騙案時有發生,估唔到警務處都成為受害者。警方話,噚日接獲相關政府部門報案,有人假冒警務處副處長向政府部門發出偽冒電郵,內含侮辱字句,案件交網絡安全及科技罪案調查科跟進。據了解,涉事者係假冒警務處副處長(行動)鄧炳強,發出涉嫌針對醫護界嘅電郵。

警方噚日喺facebook澄清,警務處副處長並無發出該虛假電郵;強烈譴責涉案者,話互聯網世界並唔係無法可依,大部分針對現實世界嘅法例均適用互聯網世界,並提醒市民勿以身試法。

網絡安全及科技罪案調查科跟進

呢件事都引嚟唔少網民回應,當然唔少人話支持警方,但有網民留言話「警謊又來了」,有人亦問「林志偉發電郵?」、「喬裝警務處副處長發出喬裝電郵」等。

上 / 下一篇新聞