港聞

港聞二

下一篇
上一篇

【Emily】葉劉:要加強對裁判官管理

【明報專訊】立法會大會噚晚二讀通過《2019年司法人員(延展退休年齡)修訂條例草案》,唔少建制派議員發言時借題發揮批評法官;亦有人建議成立特別法庭,加快處理反修例示威波案件。

話法官聯署反修例

無司法情操

新民黨主席葉劉淑儀就喺會上批評有法官參與反修訂《逃犯條例》聯署,係無司法情操,有強烈政治信念。葉太又話,政府要加強對裁判官嘅管理,話之前有示威者踐踏國旗,只係被判社會服務令,但有內地人喺美國駐港總領事館外塗鴉就要即時判監,形容係「裁判官嘅糊塗帳」,話下級法官需要更多量刑指引。

公民黨法律界立法會議員郭榮鏗話,建制派議員批評法官嘅判刑,係離題,加上有啲案件喺審理中,議員係唔應該討論。

政務司長張建宗回應「特別法庭」建議,話刑事案由提堂到審訊,時間長短視乎控辯雙方係咪準備就緒,情况各有唔同,司法機構已表明會盡快處理,目前亦有案件係喺辦公時間外審訊。

上 / 下一篇新聞