港聞

港聞二

上一篇

【Emily】南亞街坊致謝 楊彧:都係香港人

【明報專訊】近日少數族裔議題隨住民陣召集人岑子杰遇襲、警方以水炮車向清真寺噴藍水等事件而備受關注,民協深水埗區議員楊彧(粵音郁)食住呢個時勢,噚日喺facebook上載同少數族裔嘅合照、南亞裔人士嘅支持話語嚟拉票,又乘勢爭取喺區內設專隊服務少數族裔。

楊彧喺fb話,海麗邨有唔少少數族裔居住,包括印度同尼泊爾人,最多就係巴基斯坦裔人士,「而佢地(哋)共通點就都係香港人!」楊彧批評政府一直漠視佢哋需要,即使邨內有眾多南亞小朋友,但都冇一個似樣嘅青少年中心,要求喺附近增設綜合家庭服務中心,並設專隊服務少數族裔,加快佢哋融入社區。

楊彧又上載南亞裔人士Abbas嘅支持語句,話楊一直關心海麗邨嘅少數族裔、協助佢哋教育小朋友。楊彧已報名參選區議會荔枝角南,同區另一參選人為民建聯吳婉秋。

相關字詞﹕南亞裔 清真寺 尼泊爾 少數族裔 巴基斯坦 區議會 深水埗 香港人 民建聯

上 / 下一篇新聞