【明報專訊】反修例運動踏入第4個月，幾乎逢周末都有巿民上街爭取五大訴求，唔少抗爭者難免感疲累甚至灰心。噚日九龍區遊行，喺警察未清場前，尖沙嘴iSquare外人龍中，有蒙面少年喺紙皮手寫「圍爐取暖」，以「Free Hug」互相打氣。上前相擁嘅男女老幼都有，更互相鼓勵要喺「煲底」再見。「取暖」過後，示威者繼續腳步，再次踏上抗爭之路。
