港聞

港聞二

下一篇
上一篇

【Emily】光頭sir倡連登民陣列恐怖組織

【明報專訊】早前對住示威者舉槍而為人熟悉嘅葵涌警署警長劉澤基,早前以「香港光頭警長」為名開「微博」,成為內地網紅,現時已有84萬粉絲。佢不時喺微博評論社會狀况,好似噚日朝早佢就評論《反蒙面法》,形容係「絕對有用,但未夠有用」,更提出一系列建議,包括認為需要將「連登討論區」同民陣列為恐怖組織,將佢哋「資金凍結直接炒家(Emily估佢應該係想講『抄』家)」。

光頭警長又話,覺得香港需要宵禁,「令暴徒走出來便是犯法」,更認為「我們需要將記者由政府發牌登記,他們根本就是暴徒的幫凶(兇)!」,形容政治就係心狠手辣,不夠狠點樣能夠達到目的,仲話治亂世用重典,係打擊罪犯不二法門。呢篇微博連官媒中通社嘅facebook專頁「通說」亦有報道。

相關字詞﹕民陣 連登討論區 光頭警長 微博

上 / 下一篇新聞