港聞

港聞二

下一篇
上一篇

【Emily】沙田撞區鬥多提名 鄭仲恒初選勝出

【明報專訊】今年區選有唔少素人出戰,非建制派撞區情形都普遍。沙田鞍泰區本來有兩名非建制候選人,包括沙田區政湯子霈,以及佔領運動期間被時任警司朱經緯棍打、報稱獨立嘅鄭仲恒(Osman,圖),都有意挑戰現任區議員、民建聯招文亮,其後佢哋透過收集提名人數決定邊個出選,最終由Osman出線,提名數字有幾多?佢就話不便透露。

Osman同湯子霈喺上周六至本周一(5至7日),各自爭取提名以決定邊位出戰,兩人都非常落力,Osman搵來當區上屆參選人游月華、人民力量陳志全等人站台;湯子霈亦有沙田區議員丘文俊幫手。初選結果由Osman出線,佢話最值得高興係初選可以團結泛民選民,追求同一目標,亦感謝湯子霈令佢喺正式選舉前率先感受到強勁挑戰。

相關字詞﹕撞區 參選 提名 朱經緯 陳志全 區議會 區議會選舉

上 / 下一篇新聞