港聞

港聞二

下一篇
上一篇

【Emily】槍房軍裝警舞警棍 江sir話「唔理想」

【明報專訊】警方早前公布發放伸縮警棍畀休班警員,以便即時介入緊急情况,警察公共關係科高級警司江永祥之前就話使用警棍有嚴格指引,警員唔會拎出嚟玩;不過,呢兩日網上瘋傳有軍裝警員揮舞警棍嘅片段(圖),令人關注警方係咪自打嘴巴。警方噚日話片段攝於舊年2月,同近日措施無關,揮舞警棍嘅係某警署一名駐守槍房嘅警員,所屬警區已跟進事件,承認警員舉措唔理想。

噚日警方記者會上,有記者問及有關片段,江永祥話嗰條片於舊年2月拍攝,同警方近日決定向休班警派發伸縮警棍無關。佢承認嗰個警員嘅舉措唔理想,相關警區會跟進,睇吓有無人需要為事件負責,𠵱家講點樣處分言之過早。

近日社會批評警方濫暴,而按照警方《程序手冊》,警員使用警棍要填寫報告,被問嗰個警員有無填過報告,江永祥就話呢個將會係跟進方向一部分。佢重申,當值或休班警員對使用裝備須認真處理,裝備只可作工作用途,使用時要能夠合理解釋點解使用,並對個人行為負責。

相關字詞﹕警棍 武力指引 警務人員 江永祥 休班警 伸縮警棍

上 / 下一篇新聞