港聞

港聞二

上一篇

【Emily】范鴻齡掌醫管局? 郭家麒有保留

【明報專訊】中信泰富前董事總經理范鴻齡(圖)早被傳接任醫管局主席,佢喺3月曾經同Emily講無咁嘅事,至近日就有報道傳佢會做主席。政府未公布下任醫管局主席人選,對於呢個委任消息,公民黨立法會議員郭家麒噚日話有極大保留同憂慮。

郭家麒話,范鴻齡入醫管局未夠一年,對醫療體系同醫管局缺乏認識、公信力不足,相信佢喺醫護士氣低落下,未能帶醫管局重新出發,仲質疑委任佢有政治目的。

做咗醫管局主席6年嘅梁智仁將於11月底卸任,其實早已傳出特首林鄭月娥會委任范鴻齡入醫管局,想佢接任主席。Emily喺3月底問過范鴻齡係咪會做醫管局主席,佢當時話「冇啲咁嘅事,唔好亂講呀。講親都死呀,冇人同我提過,有消息再通知你」。Emily之後就無再收到佢嘅消息。

71歲嘅范鴻齡個妹係行政會議成員羅范椒芬,范鴻齡於2008年中信泰富隱瞞炒燶外匯,辭任董事總經理,並被控涉虛假陳述或誤導,2017年獲判無罪。

上 / 下一篇新聞