港聞

港聞二

下一篇
上一篇

【Emily】陸頌雄諷李嘉誠:賣天價樓時有冇對年青人網開一面?

【明報專訊】長和系創辦人李嘉誠繼喺報章刊登「黃台之瓜,何堪再摘」廣告後,日前出席活動時話希望執政者對未來主人翁「網開一面」;工聯會議員陸頌雄噚日就喺facebook揶揄誠哥:「咁佢哋賣天價樓、賣龍牀盤嘅時候,又有冇對年青人網開一面呢?」

陸頌雄喺facebook轉載咗誠哥前日出席公開活動發言嘅新聞,話香港原本有好多瓜,不過畀誠哥摘到剩番一隻;佢又話,「誠哥跟住講咗句『至理名言』:『黃台之瓜,何堪再摘』,即係叫大家唔好摘喇」,接住批評「自己摘完唔畀人摘」、「賺夠香港人錢就轉移去海外」,句句有骨。

行會成員葉國謙噚日接受民主黨前主席劉慧卿網台訪問時都有回應,佢話有人建議特赦,但佢認為唔可以對任何暴徒特赦或唔追究,因為香港係世界公認嘅法治社會,任何人都要公平,特赦唔符合法治,無可能做到。

相關字詞﹕陸頌雄 五大訴求 特赦 工聯會 李嘉誠 反修例風暴

上 / 下一篇新聞