港聞

港聞二

下一篇
上一篇

【Emily】憂假消息礙區選 碧雲:羅范都中招啦

【明報專訊】有人樂觀認為民主派在區議會選舉有望大勝,不過民主黨九龍西多名社區主任噚日同Emily茶敘(圖)時,都提到區選有唔少隱憂,該黨九龍西立法會議員黃碧雲尤其點出假消息嘅影響。佢提到建制派陣營有唔少假消息流傳,即使係行會成員羅范椒芬都會「中招」;碧雲又舉台灣例子,話50、60歲一輩最大可能中招,而民主黨有一批支持者都係呢個年齡層,故要更多解釋。

反修例風波令新增選民數字大升,但對選情影響仍難估計。考慮出戰尖東及京士柏嘅朱子洛提到,曾經協助支持者處理滲水等,但自從反修例風波後,該支持者朋友圈子發送唔少建制陣營嘅消息,最後甚至冇接佢單張。不過,考慮披甲九龍站嘅李穎妍就透露,以前同街坊可能只係點吓頭,但近日會收到佢哋WhatsApp信息,形容係進步。

今次民主黨單係九西已派出14名社區主任出戰,最年輕嘅何緯彤只得22歲,料出戰紅磡;不過佢同該黨出戰紅磡灣嘅任國棟、出戰愛民嘅陳麗君,都同「紅土家」等地區組織撞區,碧雲透露民主黨下月6日舉行誓師大會,到時名單會塵埃落定,希望可以喺之前解決晒撞區問題。

相關字詞﹕反修例風波 羅范椒芬 區議會選舉 立法會議員 年輕人 民主黨 立法會

上 / 下一篇新聞