港聞

港聞二

上一篇

【Emily】倡立「監師會」 民建聯教協駁火

【明報專訊】有警察擔心仔女喺學校被欺凌,民建聯上周六同一班警察家屬約見教育局長楊潤雄等官員,家屬提出要求成立「監師會」和喺課室安裝錄影及錄音設備;教協前日發聲強烈譴責,認為係以政治凌駕專業,試圖將反修例風暴嘅責任強加教育界。民建聯噚日就喺facebook反駁教協,叫佢哋唔好轉移視線,又問:「作為教協不是應該設法消除家長的疑慮嗎?」叫教協停止抹黑家長同民建聯。

民建聯話,好多家長擔心校園內已出現針對持唔同意見嘅學生,甚至鼓動同學敵視和欺凌;有教師發表仇警言論,對警員子女及家長造成沉重精神壓力。佢哋又話,學生喺學習過程中被灌輸偏激思想,影響成長同價值觀。

教協會長馮偉華話,佢哋唔係轉移視線,民記𠵱家係將社會矛盾、社會問題賴落教育界,搵人做代罪羔羊,而呢啲根本唔係討論焦點。佢又話,過去學校做防止欺凌工作做咗十幾年,監察系統行之有效,好有經驗,認為唔需要為安警察嘅心而特別為其子女做咩措施;強調現時無呢啲個案發生,不存在嚴重問題,只係有人捕風捉影。

上 / 下一篇新聞