港聞

港聞二

下一篇
上一篇

【Emily】匿名廣告讚QC好男兒 何君堯貼fb

【明報專訊】建制派立法會議員何君堯喺7.21元朗襲擊事件當晚同「白衣人」握手,仲讚佢哋係「英雄」,早前被母校皇仁書院(QC)一班師生同舊生實名聯署譴責,仲提出廢埋佢個舊生會會籍。何君堯噚日喺facebook上載一份報章廣告,有自稱「一群沉默的皇仁書院校友」讚何係「熱血好男兒」、「愛國愛港、愛護家園、維護法紀、替母校爭光」,強烈反對舊生會取消何會籍。

早前皇仁幾千師生有名有姓,聯署登報批評何君堯嘅行為令人髮指、有辱校譽,恥與為伍。而何君堯上載嘅廣告就匿名,話何7月21日係路過同相識人士打招呼,「何罪之有」,質疑佢同黑社會勾結係「上綱上線」;該廣告讚何君堯「秉持正義,撐警隊」,喺香港危難之際挺身而出,「我們以有此校友為傲」。

何君堯喺fb話,欣賞早前「黃人」舊生以署名表態,但同時唔欣賞佢哋只聽片面之言或以個人政治立場蒙蔽雙眼,然後鹵莽決定去作出所謂譴責;又話對佢有意見,「皇仁精神」係咪應先要畀機會被譴責者去回應。

上 / 下一篇新聞