港聞

港聞二

下一篇
上一篇

【Emily】警犬瀨PooPoo 被質疑無病假

【明報專訊】近日警方不時會帶同警犬到示威現場執勤,但因為現場不時施放催淚彈,以及警犬曾經不斷吠叫,引起市民質疑虐待動物。日前大埔墟港鐵站警民衝突,警員再帶警犬到場,但地上有穢物,疑係警犬肚瀉所致。有網民質疑警犬身體唔舒服,點解警方都仲要帶佢出嚟執勤;亦有人質疑警犬係咪吸入過多催淚煙有後遺症。

Emily曾經電郵警方,希望求證警犬係咪身體不適、係咪吸入催淚煙所致,以及警犬會否定期做身體檢查等,截稿前未有回覆。

一向關注動物權益嘅民主黨立法會議員鄺俊宇向網媒「香港動物報」表示,連日嚟警犬喺無防具情况下,喺滿佈催淚彈嘅現場出現,批評警方高層無視市民意見、不理警犬身體狀况安排執勤,「警務處長已有可能觸犯《防止殘酷對待動物條例》」。

鄺俊宇話一哥可能犯虐畜

十八區動保專員麥志豪亦強烈譴責警方再出動警犬,佢話雖然唔清楚狗狗肚瀉原因,但強調狗狗肚瀉時應馬上帶返總部,停止執勤。

上 / 下一篇新聞