港聞

港聞二

下一篇
上一篇

【Emily】防虐兒會反暴力聲明 冇提警察、示威者

【明報專訊】唔同立場嘅團體都不斷發聲明回應反修例風波,近日有啲被捕者都好年輕,甚至有中學生被警察追捕,防止虐待兒童會前晚喺facebook發文,聲明就寫得幾玄,既無提及「警察」,亦無提及「示威者」。

聲明講起反修例風波引發好多暴力場面,愈趨升級同失控,話要「停止暴力,回應社會訴求,恢復社會安寧」,但無明言邊一方升級同失控。聲明又提到喺媒體報道中見到「發生在港鐵車廂內及校園附近的追捕片段,當中有兒童、青少年及家長受到驚嚇傷害,有受驚嚎哭的、有被推倒受傷的、有被打至頭破血流的」。Emily相信係講到8月31日警察衝入港鐵車廂嘅情况,但全篇文無提到係邊個咁做,更加無提過「警察」兩個字。

聲明促請政府同各界以保衛兒童最佳利益為首要,譴責任何形式暴力,冀尊重年輕被捕者喺法律框架下應有權利,以及「成立獨立調查委員會」等。

上 / 下一篇新聞