港聞

港聞二

下一篇
上一篇

【Emily】警記者會死機冇片睇 靠謝sir口述

【明報專訊】警方近期嘅例行記者會上,都會播唔同嘅短片同相,噚日當警察公共關係科總警司謝振中想播片,解釋前晚警方喺觀塘道有警察上巴士調查時,個電視因為信號問題播唔到片,現場所有人等咗接近1分鐘,咩畫面都睇唔到。謝sir唯有形容番條片出嚟,話片段中警察要求傳媒離開時已經「不斷咁講唔該」,因為巴士係「罪案現場」,唔適合採訪,又強調尊重新聞自由。電視最終一直死機,搞到成個記者會咩片都播唔到。

警子女內地就學? 李sir話會參考

有記者問警察點睇立法會議員何君堯提議協助警察子女去內地讀書,有組織罪案及三合會調查科高級警司李桂華話「都會參考嘅」,但就無進一步評論。李sir又話,警隊入面有心理服務課及由警察組成嘅心靈團隊,如果警員子女被欺凌而出現情緒問題,都可以提供協助。

相關字詞﹕反修例運動

上 / 下一篇新聞