港聞

港聞二

下一篇
上一篇

【Emily】子女北上讀書 大灣區退休 何君堯助警8招黃藍都讚

【明報專訊】警民關係近月跌至冰點,有網民因為不滿警察涉濫用武力,提出對警員家屬包括子女作針對行為。非常撐警嘅立法會議員何君堯噚日去信保安局長李家超,建議8項支援警員家庭嘅措施,包括協助警員子女去內地讀書,並制訂政策,協助警員退休後到大灣區置業。有支持何君堯嘅網民贊成建議;有反修例網民亦話何君堯嘅建議「的確抵讚」。

函李家超建議措施

何君堯喺facebook話,近日落區見咗多批前線警察同袍及家屬,了解佢哋所需。佢去信要求政府認真考慮意見,協助有需要嘅警察,形容「英雄們在前線為守護香港而付出血淚,我們必須盡綿薄力量,協助保護他們家庭,令他們不要有後顧之憂」,又話希望可以盡快見李家超。

何君堯信中提及多項加強保護警察宿舍嘅建議,包括提高外牆高度,加強低層單位玻璃硬度,聘用專業保安人員負責宿舍保安工作,並派駐足夠警力保護。除此之外,何君堯同時建議由警察福利部提供短期房屋津貼,畀有需要嘅家庭申請,讓佢哋暫時搬離警察宿舍;將警察宿舍與其他紀律部隊家屬分開;以及為警員同家屬提供適當心理輔導支援。

相關字詞﹕何君堯

上 / 下一篇新聞