港聞

港聞二

下一篇
上一篇

【Emily】出帖謝港鐵員工 林太吸嬲

【明報專訊】部分港鐵站日前畀示威者破壞,特首林鄭月娥噚日喺fb出post,讚揚並感謝港鐵員工通宵修復,「展現極專業的服務精神」。林太呢個post再次引嚟大量網民反彈,連有逾90萬人讚好嘅網絡愛情小說作家Middle,都留言問林太使唔使請人幫手經營fb,「每次在最不適當的時間說不是人話的廢話,真想知道是哪個司長或哪間公司負責,每個月花幾多納稅人的錢」。

讚港鐵通宵復修

網民反問做咗乜修補社會

林太噚日朝9點幾出post,話港鐵早上5點公布所有車站可以開放,令返工返學市民放下心頭大石,又話港鐵畀「暴力違法者」破壞,「慘不忍睹」,形容港鐵員工通宵修復,展現極專業服務精神。

唔少網民喺帖文留言「五大訴求,缺一不可」,亦有人質疑港鐵員工都會通宵修復港鐵,林太令社會嚴重撕裂,家庭、警民關係不斷惡化,佢做咗啲咩修補。直至截稿前,帖文有逾1.8萬留言,亦有2萬人畀「嬲嬲」林太。

相關字詞﹕林鄭 警民關係 特首 五大訴求 小說 修例風波 愛情 反修例 林鄭月娥

上 / 下一篇新聞