港聞

港聞二

下一篇
上一篇

【Emily】路線分歧 沙田區議員退出新同盟

【明報專訊】沙田區議員李世鴻(Raymond)噚日宣布退出新民主同盟,退黨信提及同新同盟路線有分歧、免得個人行為影響組織形象;又提到近日反修例風波,強調對任何抗爭者嘅行動都要予以理解,不埋怨、不指摘、不割席,履行應有之義,因此佢多次喺地區警民衝突中履行議員職責、到場調停。Raymond接受Emily查詢時,無點明同新同盟有乜路線分歧,只係話如果有政黨背景在身,好多嘢會有顧忌。

Raymond話考慮退出係近兩個月嘅事,至於會唔會加入其他政黨,佢話自己出身社運圈,想法有時未必容易喺政黨中被接納,所以應該唔會入其他黨。11月底就係區議會選舉,會唔會擔心失去黨嘅支援對選情不利?佢就話冇乜太多呢啲考慮。

相關字詞﹕新民主同盟 抗爭者 修例風波 區議會選舉 警民衝突 反修例

上 / 下一篇新聞