港聞

港聞二

下一篇
上一篇

【Emily】撰文講緊急法 謝偉俊倡延遲區選 被鬧剝奪投票權

【明報專訊】區議會換屆選舉11月舉行,近期反修例風波未息,唔少人預料建制派選情會受影響。本身係灣仔樂活區議員嘅立法會議員謝偉俊,噚日喺報章撰文,提及近日有傳政府研究引用嘅《緊急法》,佢建議政府檢討延後區議會選舉,話因為騷亂未平,恐怕各陣營嘅助選活動會引發無休止嘅互相攻擊以至暴力事件,選民亦難以平心靜氣作出明智選擇。

潛在對手斥毫無邏輯

謝偉俊潛在對手、積極考慮參選樂活嘅「灣仔起步」成員楊子雋,批評謝偉俊建議係「毫無道理及邏輯,有失其民選區議員及立法會議員的身分」,促請對方收回言論,唔好侮辱選民智慧同剝奪投票權。

葉劉叫台美收容衝擊者

楊子雋強調,反修例運動令大眾更渴求民主公義制度,同真正代表民意嘅代議士,選民會用更雪亮眼睛選擇,而非「難以平心靜氣地作出明智選擇」。

另外,新民黨主席葉劉淑儀噚日應邀同兩名「KOL」渾水同健吾午膳,交流對時局睇法。葉太話佢哋討論到特赦嘅可能性,自己坦誠向兩人講特赦係無可能,反問「那麼怎樣處理那些激進衝擊者?我大膽提出,不如請美國、台灣收容他們?」

相關字詞﹕葉劉淑儀 楊子雋 謝偉俊

上 / 下一篇新聞