港聞

港聞二

下一篇
上一篇

【Emily】天文台憶真‧掛風球 一個25公斤

【明報專訊】踏入風季,「掛風球」相信係港人集體回憶之一。天文台噚日喺facebook介紹風球嘅「真身」。天文台前總科學助理屈錦城話,喺1960、70年代時,全港一共有42個信號站用嚟掛風球,後來逐步減少,至2002年1月1日,位於長洲嘅最後一個信號站亦都關閉埋,自此「掛風球」同「除低風球」就成為歷史名詞。佢話,每個風球真身都幾大同幾重,一個風球大約有25公斤。

紅白綠3色燈 向漁民示警

另一名天文台前總科學助理繆亮邦就話,以前當接到通知後,佢哋要將風球透過手柄,用力地「扯」上去,當風球固定好,就需要鎖住佢。

天文台前高級學術主任謝偉明話,除咗風球外,以前亦設有颱風信號燈,由紅、白、綠3隻顏色組合埋一齊,風球就會掛喺桅杆接近頂部嘅位置(圖),而支杆最高嘅部分就一共會有3盞燈,着燈目的係要畀漁民返嚟時可以離遠就望到燈號,知道當時掛緊咩風球。

相關字詞﹕掛風球 天文台

上 / 下一篇新聞