港聞

港聞二

下一篇
上一篇

【Emily】銀髮族去新屋嶺 行雷也不走

【明報專訊】呢排有唔少被捕示威者被送入文錦渡新屋嶺拘留中心。呢個地方近羅湖,人迹罕至,唔少人對呢處相當好奇,噚日一班銀髮族山長水遠去咗新屋嶺拘留中心,打算觀察吓環境。當銀髮族行上缸瓦甫路,想由高位俯瞰拘留中心嘅時候,就落起好大雨又行雷,其實都幾危險,然而佢哋唔肯走,堅持完成行程。

最後,佢哋沿缸瓦甫路同文錦渡路徒步行咗半個鐘,終於到拘留中心正門。有幾個警察喺正門守住,銀髮族同佢哋無乜衝突,佢哋並攞起印住香港警察誓辭中「不徇私 不懷惡意 不敵視他人」字句嘅橫幅,喺門口影咗一張大合照。

相關字詞﹕銀髮族 新屋嶺拘留中心

上 / 下一篇新聞