港聞

港聞二

上一篇

【Emily】fb專頁講區選 頭像用學者王慧麟

【明報專訊】距離區議會選舉不足3個月,唔少考慮參選者陸續浮面,爭取街坊支持。近日facebook出現一個名為「大佛我飛佛」嘅專頁,頭像係港大學者、now電視台時事節目主持人王慧麟嘅相片,專頁提及唔少灣仔大佛口區地區議題,亦分析選民結構同點樣做區,選舉味濃;但無明確交代專頁係咪由王慧麟設立,而王慧麟嘅個人fb帳戶亦有分享該專頁,並叫朋友讚好。Emily向佢查詢,至截稿前未獲回覆。

專頁喺本月24號設立,已有不少帖文,如提到區內多個問題包括後巷污糟、交通阻塞、重建工程噪音等;亦有講選舉,提到「有人話,佢參選區議會呢,係唔會搞民生嘢,如果要選人搞民生嘢,不如投對家咁話」,未有講「佢」係邊個,但接住落嚟解釋做區嘅重要:「民生嘢,係基層充權的第一步……居民關心自己生活開始,到關心社區,然後社會,跟手就係四周圍的世界大事」。

相關字詞﹕王慧麟

上 / 下一篇新聞