港聞

港聞二

下一篇
上一篇

【Emily】提施政報告 羅致光由細個行路放學講起

【明報專訊】政府正就新一份《施政報告》諮詢公眾,諮詢facebook專頁近期陸續上載局長短片宣傳,噚日勞工及福利局長羅致光(CK)先分享個人趣事,再回應預設提問。CK原來唔止IQ高,自問做嘢仲好快手,佢話試過一個鐘內入咗2000個信封同貼咗2000個標籤;自己由細到大都鍾意行路,小學讀書時,放學間中會由大坑行路返堅尼地城屋企,都行得好快咁話。

講到快,唔少網民希望政府嘅惠民措施盡快落實。有網民問到政府幾時會將法定產假增至14周,CK話政府正努力做相關工作,佢話公務員延長產假唔需要修改法例,但修改法定假期就要修例,相關工作密鑼緊鼓做緊,希望今年底前將修例草案交畀立法會,預料修例通過後18個月,可以全面實施新產假安排。

有網民關注幫助市民就業嘅再培訓課程,CK話現時大部分參與課程嘅人都以中高齡人士為主,佢哋有一定教育程度,但仍想追上時代,學吓電腦,甚至人工智能等,相關課程會陸續推出,協助佢哋轉工或重新投入勞動市場。

相關字詞﹕羅致光

上 / 下一篇新聞