港聞

港聞二

上一篇

【Emily】葉太話與泛民有共識 羅健熙:又亂作

【明報專訊】6名立法會議員早前應邀訪美,新民黨主席葉劉淑儀前日喺記者會上表示,訪美議員有兩大共識,包括唔希望中美貿易戰傷害港美互惠關係、不希望美國制裁香港,令網民質疑泛民係咪唔支持《香港人權及民主法案》通過。民主黨副主席羅健熙噚日重提舊事,話葉太多次「生安白造」,早前都話民主黨創黨主席李柱銘(Martin)係「第一個提送中」,「你地係咪又信呀?」

羅健熙喺facebook出post,話葉太三番四次亂作,例如話Martin係第一個提出移交逃犯,即使有立法會逐字紀錄都夠膽亂講,反問大家「點解佢講你就會信」。佢又話,既然大家咁相信葉太,「咁你不如信埋佢話個運動有幕後指揮,有外國資助,用Telegram Airdrop就係高科技啦」。

羅健熙重提嘅舊事,係葉太6月於立法會大會上話,Martin 1998年曾促請特區政府與內地商討移交逃犯協議,質疑佢「變臉」;後來Martin強調,當年係堅持香港發生嘅案件必須在港審理,所以先咁樣提出協議,亦明言若交犯,必須符合聯合國人權公約標準。Martin仲邀請葉太辯論,睇吓係邊個「變臉」,其後未見下文。

相關字詞﹕新民黨 制裁 聯合國 李柱銘 葉劉淑儀 貿易戰 立法會 美國 中美貿易戰

上 / 下一篇新聞