港聞

港聞二

下一篇
上一篇

【Emily】新種海毛蟲 西貢發現

【明報專訊】炎炎夏日,游水係消暑妙法,不過上年屯門同荃灣嘅泳灘都出現大量海毛蟲,嚇怕唔少泳客。浸會大學生物系副系主任邱建文(圖)率領研究團隊,搵出海毛蟲爆發嘅品種:「雙斑海毛蟲」,係全球近百年來第四次發現海毛蟲新品種。

「雙斑海毛蟲」出現喺西貢橋嘴洲珊瑚群落,蟲身呈梭形,長28至39毫米,寬7至14毫米,約有30個體節,特徵係背部中央位置有獨特斑紋,而且每個體節都有兩個黑點,一點跟着一點排列,故獲團隊命名為「雙斑海毛蟲」(Chloeia bimaculata),bimaculata係拉丁文,代表「雙斑」意思。團隊睇過潛水者影嘅相,相信「雙斑海毛蟲」曾於東平洲出現。

舊年6月本港水域有大量海毛蟲,團隊喺荃灣兩個泳灘和吐露港淺海水域收集海毛蟲樣本,比對過倫敦自然歷史博物館借出嘅原始標本,發現佢哋屬「梯斑海毛蟲」,係全球現存28個品種之一,廣泛分佈於南海一帶。

相關字詞﹕海毛蟲 荃灣 浸大 中國

上 / 下一篇新聞