港聞

港聞二

下一篇
上一篇

【Emily】紅米廣告「五大平台 缺一不可」 環球網批「缺腦如此 無藥可救」

【明報專訊】反修例運動示威者提出包括撤回修例等五大訴求,遊行中經常出現「五大訴求 缺一不可」嘅口號。小米旗下互聯網電視「紅米電視」喺微博出post宣傳產品,幅圖就用上「五大平台 缺一不可」嘅字句,講佢哋有海量優質內容。點知環球網喺官方微博轉載狠批:「缺腦如此,無藥可救。」

有網民喺環球網博文下面留言,認為紅米電視係「明趁熱度。暗撐港毒?」、「這個時刻居然敢搞這個廣告詞」,又質疑佢究竟係反諷定無腦。「小米香港」早前喺facebook上載黑衣人撐黑傘,有網民留言話本來小米支持「港獨」風波已平息,但𠵱家「紅米電視」都走曖昧路線,以後都唔會買佢哋任何產品。

口號改為「海量內容」

半日唔夠,「紅米電視」已經將宣傳口號改為「海量內容」,而環球網微博都有再發聲,上載前後對比圖,話「知錯就改,加強學習」。不過仍然有網民唔收貨,留言要求紅米道歉,認為「五大平台 缺一不可」完美呼應「五大訴求 缺一不可」。

相關字詞﹕五大訴求 環球網 小米 紅米 反修例風暴

上 / 下一篇新聞