港聞

港聞二

上一篇

【Emily】何啟明帶隊 德福清路障

【明報專訊】民建聯早兩星期提過,會組織義工隊幫手清理示威者製造嘅路障,唔少網民都話支持議員帶隊,結果最先帶義工去清路障嘅「先鋒」,係工聯會立法會議員何啟明。何啟明噚日朝早帶同10多個義工,去咗九龍灣德福花園附近清理路障,包括將喺馬路嘅磚頭、水馬等拉回路邊。

警員路過幫手截停車

示威者前日喺九龍東一帶聚集,其中九龍灣一帶發生警民衝突,德福花園附近係其中一個「戰區」。何啟明同Emily講,佢哋前晚8、9點決定今次行動,再搵義工幫手,噚日朝早8點幾到場清理。佢形容香港其實復元得好快,一晚過後大部分路障已清除,佢同義工只係幫手處理「邊緣啲」嘅路障,或者路中心嘅磚頭等,現場亦已有食環署清潔工人做嘢;有警員路過亦幫佢哋截停車,等佢哋快手清理路障。何啟明話,會視乎其他區有無需要,睇吓日後會唔會再組義工隊落場幫手。

相關字詞﹕示威衝突 路障 清理 工聯會何啟明

上 / 下一篇新聞