港聞

港聞二

下一篇
上一篇

【Emily】豐物道海濱 創意遊樂設施有得玩

【明報專訊】位於中西區海濱長廊嘅豐物道海濱休憩用地噚日舉行開幕儀式並正式啟用,入面有唔少有創意嘅遊樂設施畀一家大細去玩。中西區區議會主席葉永成就話,呢個休憩用地會成為城中全新嘅打卡景點,又話會繼續爭取向公眾開放區內更多海濱用地。

休憩用地嘅設施包括參考Emily日前介紹過嘅渠管遊樂設施「捐山窿」公園、貨櫃美術館等,全部都免費開放;休憩用地又會舉辦為期一年嘅「周日社區學堂」,逢星期日舉辦親子活動,涵蓋街道藝術、環保、歷史文化同自然生態等主題。

葉永成話,整個項目用咗一年多完成,使咗差唔多400萬。現時貫穿中山紀念公園同西環副食品批發市場嘅海濱長廊全長1.35公里,葉永成話會繼續向西邊開放更多海濱用地,正規劃開放已拆卸嘅堅尼地城焚化爐同屠房嗰邊,估計涉及400米長廊,希望喺下年初至下年中左右開放畀公眾。

上 / 下一篇新聞