港聞

港聞二

下一篇
上一篇

【Emily】區軒破例講聲成功爭取

【明報專訊】建制派常以「成功爭取」口號展示地區政績,不時被民主派揶揄,但對於爭取多年嘅地區議題,民主派都要破例用呢句口號慶祝成功。民主派南區區議員區諾軒噚日喺fb話,鴨脷洲漁安苑巴士站多年嘅擁擠問題,喺佢同區議員羅健熙多年爭取下,隨住路政署噚日拆除工程水馬,巴士站行人路擴闊,迎來第一階段「成功爭取」。

區諾軒話原計劃拆除巴士站上蓋,重建巴士站,但由於地下管線同護土牆承載力有限,未能採用方案,然而工程師提出嘅其他方案亦代價不菲。最終佢哋經過地區諮詢,發現大部分居民唔拘泥於上蓋,接納代價較小嘅直接擴闊行人路方案,今個暑假動工,現時工程初見成果,接落嚟會有第二階段工程,佢哋會繼續監察。

上 / 下一篇新聞