港聞

港聞二

下一篇
上一篇

【Emily】陳葒:老師唔可以講「我唔知」了事

【明報專訊】教育局日前出咗開學指引,講到教師可能唔知用咩字眼同學生解釋社會當前狀况,建議若遇到難以解答問題,可以話「不知道」或「自己也不理解」。陳校長免費補習天地校長陳葒噚日喺fb打比喻,話「老師之於學生」唔等同「路人之於路人」。

老師有傳道授業解惑責任

陳葒話當有路人問路,就算講「我不知道」就離開都好正常,因為我哋冇責任教對方點樣搵佢想要嘅答案。但老師有為學生傳道授業解惑嘅專業責任,唔能夠講句「我唔知」就完,「要麼自己去尋找答案告訴學生,要麼和學生一起尋找答案……失去了這個價值,老師也就不必存在了」。

教局:建議係幫學生疏導情緒

      唔使覺有責任提供答案

教局發聲明話,對有評論質疑相關內容係呼籲老師說謊、避答爭議問題,局方認為係曲解、斷章取義,話建議係幫學生疏導情緒嘅其中一點,亦非教學指引;又引述心理學家意見,話老師唔使覺得有責任為目前發生嘅事提供答案,以免自增壓力。

上 / 下一篇新聞