港聞

港聞二

上一篇

【Emily】聽日至9月14日 九巴推月票抽獎 價值1030元

【明報專訊】九巴舊年開始推出月票,吸引唔少乘客使用,𠵱家每個月大概賣出1.6萬張,最近仲新增咗喺App內購買月票嘅功能,不過九巴似乎都想再推廣畀多啲乘客使用月票,最近就準備推出「九巴月票」大抽獎,會抽出1000名乘客,每人可以獲得九巴月票八達通卡連月票一張,價值1030元㗎。

至於具體抽獎方法,就要喺今個月15號(聽日)到下個月14號,乘客透過九巴App登記八達通卡參與活動,再用張八達通乘搭九巴路線,每搭1次可獲1分積分,儲夠10分就可獲得一次抽獎機會。

不過,已經登記咗有效月票嘅八達通卡、小童八達通卡同免費乘車證都無得參加抽獎;路線方面,由九巴經營嘅聯營路線都可以儲積分,但K12、K14、K17、K18除外。

相關字詞﹕九巴月票 九巴

上 / 下一篇新聞