港聞

港聞二

下一篇
上一篇

【Emily】催淚彈波及 上環貓皮膚眼發炎

【明報專訊】7月28日(周日)遮打花園集會者遊行到西環,喺窄巷內發生衝突,警方喺民居附近地方多次發射催淚彈。人吸咗催淚煙會唔舒服,何况係小動物,香港動物報話,有一隻叫Momoa嘅歲半大加拿大無毛貓,因為催淚煙而導致皮膚同雙眼發炎。

Momoa同主人Twiggy住喺上環,嗰日Twiggy咁啱出咗街,由寵物保母負責湊Momoa,警察射催淚彈時,屋企冇開到冷氣,有濃煙湧入。Twiggy返到屋企發現Momao眼腫怕光,本身淺藍綠色嘅眼變成紅黃色,皮膚發炎。

需觀察3周食類固醇

貓主籲警勿再射催淚彈

Twiggy話,獸醫確診Momoa受催淚煙影響,導致皮膚和雙眼發炎,要觀察3個星期同埋食類固醇治理,仲要每兩個鐘洗眼一次。獸醫話催淚煙對動物傷害好大,而加拿大無毛貓嘅皮膚比其他貓更敏感,有害物質會直接接觸到皮膚,傷害更大。Twiggy擔心Mamoa會有後遺症,希望提醒各位主人要注意催淚煙對寵物嘅影響,促請警察唔好再射催淚彈。

上 / 下一篇新聞