港聞

港聞二

下一篇
上一篇

【Emily】籲與示威者理性討論 陳健波:勿講粗口

【明報專訊】反對《逃犯條例》修訂嘅示威遍地開花,京官都呼籲建制派要多發聲搶輿論,立法會保險界議員陳健波噚日就呼籲大家唔好做「鵪鶉」,係時候出聲喇。佢話為免香港「攬炒」,大家不妨同阻塞交通嘅示威者討論,但提醒大家爭拗時「唔好講粗口互相指摘,要講道理」。

波哥喺facebook上載短片,叫大家即日起要做兩件事,盡快令香港重回正軌。首先,如果遇到交通工具有阻塞,大家唔好出手動腳,但要出聲,例如話大家講民主,「你有你自由 ,但亦要尊重我自由,咁先係民主」。第二件事係,當見到記者要敢於表達己見,畀記者聽到不同民意,話傳媒報道雙方意見,唔會側埋一邊。

不過,波哥喺fb回應支持者時就批評傳媒,話「好擔心」,因為唔知邊個係真、邊個係假記者,有好多唔同網台,又話有唔少訪問都係有立場,側埋一面。佢又話記者採訪警方或官員時,「好多人都形容一啲記者如狼似虎」,仲話如果繼續係咁,記者形象會愈嚟愈差喎。

上 / 下一篇新聞