港聞

港聞二

下一篇
上一篇

【Emily】林鄭「粉身碎骨」論再惹考究熱議

【明報專訊】特首林鄭月娥近期不時引用成語評論反修例運動,繼上月形容修例工作「壽終正寢」、本月初批評部分示威者要將香港「玉石俱焚」後,噚日反問大家係咪忍心將香港推向「粉身碎骨」嘅深淵。此語一出即引嚟網民熱烈討論,有人引用林太之前言論,自嘲示威者喺社會無位置(no stake),何德何能令社會粉碎呢;有人就以古詩比喻,話粉身碎骨都可以代表不怕犧牲嘅堅貞決心。

網民引于謙詩明志

有網民引用明朝詩人于謙嘅《石灰吟》,話呢首詩係表達不怕犧牲、堅守情操嘅決心,同時亦係示威者心聲:「千錘萬鑿出深山,烈火焚燒若等閒。粉骨碎身全不怕,要留清白在人間」。呢首詩嘅意思,係石頭經過多次撞擊才獲開採,經烈火焚燒係平常事,不懼粉身碎骨,但求將清白留在人間。

有人批「產業單一早推港入深淵」

有網民批評林太先係將香港推向粉身碎骨嘅人,為咗個人同中央面子唔肯講撤回修例,反問面子係咪比香港更重要。另有網民就闡述社會問題,話香港「產業單一、樓價極高、只靠大陸」,早已將香港推向深淵,寄語批評示威者嘅人唔好咁短視。

相關字詞﹕反修例風暴 林鄭月娥

上 / 下一篇新聞