港聞

港聞二

下一篇
上一篇

烈日下甩手操加行圈 阿臻減磅至80kg

【明報專訊】佔中9人案4月判刑,邵家臻被判入獄8個月。阿臻facebook專頁嘅admin更新阿臻喺赤柱監獄嘅近况,話阿臻每日上晝11點半至12點半係活動時間,喺暴曬下,只能做簡單運動,包括甩手操同埋行圈,話阿臻繼續變黑變瘦,𠵱家體重已跌至80公斤。

阿臻本身有糖尿病,糖尿上眼問題已經打咗第三針,正排期打第四針,帖文叫大家唔使擔心,亦多謝大家支持。帖文又話阿臻「等候大家的書信。你們的書信是我意志的泉源」。

向囚友解釋香港情况

阿臻喺獄中亦有留意外面嘅情况,話面對6月香港,「在監獄中倍感無力,只能向囚友解釋,以及向上天禱告」。佢又話喺獄中仍然讀書寫字,剛睇咗程翔嘅《千日無悔》,呢本書係描述程翔在囚嘅心路歷程。阿臻仲話無論喺獄中獄外,都會用唔同方法改善獄政。至於臻辦,就仍然繼續運作,保持「不缺席」、「不鬆懈」嘅狀態,叫大家繼續支持。

相關字詞﹕邵家臻

上 / 下一篇新聞