港聞

港聞二

上一篇

涂謹申倡張炳良李國能入行會

【明報專訊】反修例風波未息,已引伸到市民關注政府管治問題。民主黨立法會議員涂謹申噚日就話,現時大部分行政會議成員都冇公信力,政府應該大幅度改組,除咗建議加入運輸及房屋局前局長張炳良、終院前首席法官李國能等人外,仲建議政府不如嘗試同「KOL(關鍵意見領袖)」對話。

阿涂明言,新民黨主席葉劉淑儀、民主思路召集人湯家驊嘅言論只會令人更不信任政府,遲一日換都等唔到。佢又話就算特首林鄭月娥唔辭職,都應該喺能力範圍內撤換幾個司局長,最少包括律政司長鄭若驊、保安局長李家超,形容兩人做落去,市民都未能產生任何信心,「只會見到佢哋前面、嬲到後面」,佢哋講句說話都只會令市民覺得「垃圾又講嘢喇」。

相關字詞﹕《逃犯條例》 立法會議員 湯家驊 律政司 鄭若驊 葉劉淑儀 林鄭月娥 逃犯條例

上 / 下一篇新聞