港聞

港聞二

下一篇
上一篇

貼紙遮屯門區會𨋢掣 工黨:政府驚到有病

【明報專訊】屯門區議會噚日開會,民主派議員會前喺場外抗議,不滿主席梁健文早前拒絕佢哋提出反對《逃犯條例》修例有關議程,至於會上議員就商討屯門公園賣唱問題。工黨譚駿賢噚日喺facebook貼圖,顯示開會大樓嘅升降機內3樓按鍵被貼紙遮蓋(圖),而3樓就係開會地點,譚形容「成個政府好似驚到有病咁,以為咁樣人哋就唔識去3樓」,質疑政府擔心有人衝擊。

民政處稱加強保安

屯門民政事務處回覆Emily查詢,話由於網上有人號召喺會議前夕同期間到屯門政府合署、亦即係開會大樓請願,因此管理處加強保安措施;3樓除咗有區議會會議室,亦有其他政府部門嘅辦事處,因應可能有較多市民前往3樓,管理處安排保安員操控升降機,會議期間市民仍可以搭𨋢到3樓。

處方解釋,管理處喺升降機3樓按鍵貼咗貼紙,主要係應付3樓發生突發情况時,可避免相關部門職員同市民前往3樓,並非防止公眾接近區議會會議場地,強調區議會噚日按照一貫安排,開放予公眾入會議室旁聽。

上 / 下一篇新聞