港聞

港聞二

下一篇
上一篇

江sir再拍片 握腕遮手表位

【明報專訊】前日反修例九龍遊行結束後,入夜後有部分示威者再行到旺角,一度佔據彌敦道。噚日凌晨零時左右,警方喺facebook專頁上載一段影片,呼籲示威者離開,今次出鏡嘅警察公共關係科高級警司江永祥,全程用右手握住左腕,同之前兩次呼籲片段嘅姿勢有出入。

睇番日前警方嘅呼籲片段,江sir都係全程企,6月26日嘅片段中,江sir左手戴咗隻藍色手表;7月1日拍攝嘅片段就無戴表,但佢嘅左手腕留下明顯表印。至於噚日凌晨上載嘅片段,長約44秒,片中江sir以右手握住左腕,睇唔到有無戴表,唔知係咪受到佢上司、警察公共關係科總警司謝振中早前「懷疑預先拍片」事件影響,所以遮住戴表嘅位置呢?

上 / 下一篇新聞