港聞

港聞二

上一篇

砌高達愛上建築 IVE生追夢

【明報專訊】將興趣轉化為日後嘅工作,相信係唔少人夢寐以求嘅事!19歲嘅梁可晴自細對畫畫有興趣,喺爸爸影響下,亦鍾意埋砌高達模型,所以兩年前揀咗入讀香港專業教育學院(IVE)嘅建築學高級文憑,將興趣融入學習,嚟緊仲打算去英國升學,邁向建築師之路。

獲獎學金赴英升學

梁可晴同Emily講,好享受砌好模型嘅滿足感,亦令佢讀書製作建築模型時更得心應手。佢其中一份功課係重新設計灣仔區議會大樓,佢話設計要考慮人流、建築物料等,佢構思嘅大樓係「門常開」,市民可以從四方八面進入,關注時事同增加社區凝聚。

作為應屆畢業生,因為屋企經濟狀况,梁可晴本來打算畢業後就會做嘢,但因為獲得賀維雅基金會獎學金,兩年總資助額約55萬,佢準備去英國升學。梁可晴話,因為英國對建築設計研究較深入,亦較注重藝術發展,所以希望到當地學習,期望30歲前可以成為建築師,回饋社會。

上 / 下一篇新聞