港聞

港聞二

下一篇
上一篇

羅致光預告 大學生或70歲先退休

【明報專訊】近年唔少年輕人鍾意去外國工作假期,勞工及福利局長羅致光(CK)噚日喺網誌除咗報告近日同意大利簽署協議、設立雙邊工作假期計劃外,亦講吓對工作假期嘅睇法。CK提到今日嘅大學畢業生,未來可能70幾歲先退休,所以去外國工作、學習一年,擴闊眼界好值得。聽到CK咁講,Emily最擔憂係未來要做到70幾歲先退到休。

CK喺網誌話,上星期五同意大利簽署協議,係香港簽署嘅第14個雙邊工作假期計劃,佢提到由2000年底同新西蘭簽署首個協議開始,至今已有約9萬名香港青年參與計劃,分別到各地農場照顧動物,或者喺咖啡店、餐廳、旅遊景點等地工作;亦有年輕人喺倫敦奧運期間接待運動員,其後獲聘到當地公司參與企業策劃工作。

CK亦透露,近年經工作計劃來港嘅,最多係韓國、法國人。過往偶有香港參加者喺外地有不愉快經歷,勞工處鼓勵參加者出發前做好資料蒐集、聯絡駐港領事館,了解目的地就業、住宿、生活情况同相關法規;亦提醒參加者出發前應該為旅程購買合適保險。

上 / 下一篇新聞