港聞

港聞二

下一篇
上一篇

建制派地區着數 網民開fb專頁開心分享

【明報專訊】近日有網民喺facebook開設「禮義廉Jetso」專頁,分享建制派各區「着數」,直至噚日吸引逾3萬網民讚好。Emily睇過呢個專頁,各式各樣嘅優惠情報都有,包括免費蚊怕水、平價戲飛等,甚至有優惠價享用酒店自助餐、半價Haagen-Dazs優惠券,非常多元化,相信統一資訊可以幫到街坊領取。

專頁噚日介紹嘅最新優惠,包括土瓜灣北派發印有民建聯李慧琼、蔣麗芸卡通頭像嘅「少女風」桃紅色手推車。日前民記又喺牛頭角一帶免費派老鼠膠以應對鼠患,專頁就講笑話建制派內訌,「李慧琼用老鼠膠滅老鼠芬(指經民聯梁美芬)」。

5至20元睇《反斗奇兵》

至於平價戲飛,近日建制政黨主力都係推《反斗奇兵4》、《蜘蛛俠2》等荷李活合家歡電影,仲要幫大家格埋價𠻹!葵青區最平竟然可以用5到20元(按座位而定)睇《反斗奇兵4》;《獅子王》喺土瓜灣25元有交易,馬鞍山睇《蜘蛛俠2》甚至低至10元,睇嚟各區價錢都有唔同呀。

上 / 下一篇新聞