港聞

港聞二

下一篇
上一篇

立會餐廳受損 陳澤滔送汽水雞蛋盼補償

【明報專訊】示威者1號晚佔領立法會後,立法會餐廳嘅汽水被攞,示威者亦有放低錢,表明唔會不問自取,不過,餐廳營運商、嘉嘉得飲食有限公司董事李先生日前向本報提及,示威者留低嘅錢不足以支付被取走飲品嘅價錢,店內雞蛋亦不翼而飛。東九龍社區關注組陳澤滔噚日就喺網上訂貨並將送貨地址寫明立法會餐廳,嘗試彌補損失。

陳澤滔分別買入兩箱雪碧、1箱可樂同4排雞蛋,佢同Emily講,睇到抗爭者、記者嘅講法,明白餐廳真係受到破壞,而餐廳都係小商戶,唔應該同政權掛鈎,所以想嘗試彌補。佢話其實可樂、雞蛋都係小事,唔應該纏繞喺小事上,期望講番更重要嘅事。

由照片可見,本身放飲品櫃嘅兜有幾百蚊,但後來店主話不足以支付飲品價錢,陳澤滔話示威者畀咗錢但店主收唔到,都有責任,但希望可追查金錢去向。

相關字詞﹕佔領立法會 抗爭 餐廳 示威者 示威 飲食 立法會

上 / 下一篇新聞