港聞

港聞二

下一篇
上一篇

郭榮鏗駁陳弘毅湯家驊:做過咩幫年輕人

【明報專訊】7月1日有示威者闖入立法會,港大法律學者、基本法委員會委員陳弘毅當日發文形容係「暴力衝擊」,點名批評核心成員有大律師嘅公民黨無譴責係「縱容暴力」、視法治如無物;行會成員兼資深大律師湯家驊就形容係「香港失去法治的一天」。法律界議員、公民黨郭榮鏗噚日喺facebook發帖,質問陳弘毅同湯家驊兩個「大人」,「除咗坐响冷氣房打咀炮」,仲做過咩去保護嗰啲比佢哋弱小嘅年輕人。

郭榮鏗話,佢兩位幫一個「全香港最有權有勢,但匿埋唔出嚟見人」嘅特首譴責年輕人,除此之外,質疑兩人做過乜嘢去幫年輕人,等佢哋唔使咁傷心同失望。公民黨主席梁家傑前日都喺fb批評陳弘毅,叫佢搞清楚咩係「法治」、咩係「以法治人」。佢話,陳弘毅譴責示威年輕人使用暴力,但唔譴責林鄭月娥政府對「三百萬人次上街」嘅訴求不瞅不睬嗰種「制度暴力」,呼籲陳「當有力挽狂瀾機會的時候,請不要輕輕放過」。

相關字詞﹕湯家驊 梁家傑 陳弘毅 郭榮鏗

上 / 下一篇新聞