港聞

港聞二

下一篇
上一篇

七一慶典嘉賓 衣香鬢影過盾陣

【明報專訊】噚日七一升旗儀式,會展附近多條道路封閉,政府事前提醒嘉賓盡量搭公共交通工具再行入場,Emily噚日所見,會展外有大批警員持盾戒備,出現嘉賓衣香鬢影、西裝骨骨經過警員佈陣一幕。

特首王志民船來船去

特首林鄭月娥同丈夫林兆波,中聯辦主任王志民、兩名前特首董建華同梁振英等,就搭海事處嘅船喺金紫荊廣場上岸,再行入會展,出席酒會同透過電視睇室外嘅升旗儀式。佢哋離開都係搭船,到西灣河水警總部落船,林鄭落船後有同董建華、王志民、立法會主席梁君彥握手先離開。

部分官員則自行離開會展唔搭船,好似勞福局長羅致光、運房局副局長蘇偉文、食衛局副局長徐德義等。前律政司長梁愛詩6月12日喺太古廣場被示威者包圍指罵,噚日佢就冇搭船離開,自己行出會展。或者擔心安全問題,個別嘉賓進出會展時亦有保鑣在旁。

上 / 下一篇新聞