港聞

港聞二

下一篇
上一篇

用LMF歌「二創」 李偲嫣:已付費

【明報專訊】「正義聯盟」主席李偲嫣早前喺撐警集會期間播放警民衝突片段時,用本地樂隊LMF歌曲作為背景音樂,LMF其後喺facebook表示對此「極度不安」。李偲嫣噚日回應,話當日播放嘅係二次創作作品,亦已同CASH(香港作曲家及作詞家協會)聯絡,繳付不超過300元費用。

李偲嫣喺fb話,當日集會有一音樂短片,採用LMF歌曲嘅一部分,配置其他音樂並混音,強調係「二次創作」嘅民間作品。李偲嫣話已經同CASH聯絡,按其「慈善團體」類別嘅收費慣例要求,繳付唔超過300元。Emily查閱稅局嘅慈善團體名單,就未見有「正義聯盟」。

早前有青年上載短片,話如果年輕人父母冇上街「根本無愛過你」,該青年被指曾喺書展同李偲嫣合照;李偲嫣喺聲明強調與該名年輕人冇任何關係、接觸,又話書展當日同逾600名讀者合照,以年輕人為主。

相關字詞﹕撐警集會 李偲嫣 集會 創作 衝突 年輕人

上 / 下一篇新聞