港聞

港聞二

下一篇
上一篇

THEi學者蒐公園數據 研樹種改善空氣

【明報專訊】樹木喺香港隨處可見,喺行人路、公園內都有樹遮蔭,如果唔做好保養,塌樹後果可以好嚴重。香港高等教育科技學院(THEi)開辦嘅園藝及園境管理學士課程,首批學生上年已投入職場。除教學外,學系都重視科研,助理教授張浩2017年起蒐集本港32個公園數據,睇吓植物品種同分佈,點改善公園空氣質素。

話樹木群寬15米可擋污染物

佢嘅研究得出,喺公園邊緣同高速公路之間,特別係車多人少之處,可考慮種植異葉南洋杉、龍柏等樹冠較低、形態茂密嘅樹木,樹木群達15米寬,就足以阻擋污染物進入公園。至於遊人較少地方,則宜種植密集、小面積及中等高度嘅常見觀賞樹木,例如細葉榕、洋紫荊等。

畢業生投身園藝業 敲樹測健康

畢業生李靖怡投身園藝業,做助理項目協調員。李靖怡話,平時嘅工作會以目測方式或用槌仔敲打樹木,檢查樹木結構,評估有無倒塌風險,「如果敲打時聽到特別聲音,懷疑內部有腐爛情况,或出現樹洞,會用機器檢測」。佢話讀THEi時已學到點辨別樹木種類、如何使用儀器,工作時就更易上手。

相關字詞﹕空氣質素 香港高等教育科技學院 園藝業 植物 塌樹

上 / 下一篇新聞