港聞

港聞二

上一篇

陳健波:示威者遮下係利器

【明報專訊】修訂《逃犯條例》風波仍未止息,部分人提出要成立獨立調查委員會調查6.12警民衝突。曾任監警會副主席嘅立法會議員陳健波就話,如果有全面、公平嘅制度去調查,包括查埋示威者資金來源,相信冇乜人會反對;但佢亦指警隊執行政府政策成為磨心,仲話有啲情况,示威者表面係拎住遮,「下面係啲利器,係咁篤」,形容警隊幾危險、幾辛苦都要頂,怨氣非常重,所以最重要係說服警隊。

話雙方都有過分嘅事 唔好打死一船人

陳健波噚日喺港台節目《千禧年代》話,警察工作辛苦,「都希望鋤奸、扶正」,冇乜人願意處理示威,但處理完就被欺壓,甚至有商戶唔招待、家屬又被欺壓,「係極度荒唐,完全冇天理!」佢強調,無論示威者、警隊都有極小部分人做過分嘅事,希望唔好一竹篙打死一船人,「我都成日覺得有老師教壞細路,我唔會怪所有老師」。

上 / 下一篇新聞