港聞

港聞二

下一篇
上一篇

工聯會貼標語 歡迎警員借廁所

【明報專訊】近日警民關係緊張,多次表態支持警方嘅工聯會,除咗日前去警察總部致送簽名冊外,有市民發現元朗工聯會辦事處外貼上「歡迎警員使用本處洗手間」標語。工聯會立法會議員陸頌雄話,警務人員工作太辛苦,想打打氣;不過,佢嘅做法就被質疑未必符合《警察通例》。

話說民主黨區議員柴文瀚喺facebook分享,話有市民供相,元朗工聯會貼出標語歡迎警察使用該會洗手間。阿柴向Emily指出,《警察通例》寫明,除因執行職務或以普通市民身分商談公事外,警務人員不得進入任何單位辦公室;當值時亦不得進入任何樓宇,佢問工聯會係咪想借機玩警方。

陸頌雄同Emily講,佢近期都冇返元朗地區服務中心,又話該處附近冇乜公廁,無論街坊、警員,都會借鎖匙畀佢哋借用廁所,佢話警務人員太辛苦,想為佢哋打打氣,又話各區都有會員組織去警署送吓水果,或者寫吓心意卡。

相關字詞﹕警察通例 立法會議員 警察 香港 民主黨

上 / 下一篇新聞