港聞

港聞二

下一篇
上一篇

開live被問選特首 薯片叔:N,O,NO

【明報專訊】前財政司長曾俊華呢兩年幾乎退出政治舞台,但不時都會喺facebook上載帖文,噚日佢就同佢嘅前政治助理羅永聰一齊去facebook新開嘅直播室「開光」,曾俊華仲笑住話自己可以舞獅𠻹。近日政治局勢緊張,曾參選特首嘅曾俊華少不免被問到會否再度參選,佢就笑羅永聰「你問啲咁愚蠢嘅問題,兩個字,N,O,NO!」,自言特首選舉至今對政治冇乜大興趣,又笑住話其實最想拍《英雄本色》。

想拍《英雄本色》 自言「打過好多交」

話說本月12日,立法會外出現警民衝突,當晚曾俊華上載影片,佢提到唔少人喺影片留言講粗口,羅永聰笑言係「風土病」。講起當日衝突,曾俊華就話自己「打過好多交」,形容打交時唔會講道理,所以更重要係避免衝突發生;佢亦認同要將警察放喺呢個位置好不幸,尤其擔心暴力風險大,一開始咗就會帶來好多仇恨。

羅永聰提到,過往經歷社會分化,今次反修例一事反映當年矛盾未解決。曾俊華形容當時收埋咗,但矛盾仍然存在,唔會預一兩日就解決到,要有耐心、包容,又強調市民觀感最重要,「社會服務為乜?我哋都係為市民」。

相關字詞﹕風土病 粗口 曾俊華

上 / 下一篇新聞