港聞

港聞二

下一篇
上一篇

新渡輪推減廢有賞 走塑回贈船費

【明報專訊】港人每日棄置約200公噸即棄塑膠餐具,新渡輪本周五(28日)起一連4個星期五,舉行「新渡輪『走塑』有賞減廢活動」,分別喺中環5號、6號碼頭、長洲碼頭同梅窩碼頭舉行,乘客喺指定時段內,喺碼頭內商舖買食物或飲品時使用自備容器,在場嘅新渡輪「走塑」大使就會指示乘客到登記站,以八達通拍卡登記,乘客可於7個工作天後,喺八達通服務站領取船費10%回贈。參加今次活動嘅商戶包括小食店、咖啡店同便利店等。

今次活動係新渡輪首個以船費回贈形式,鼓勵乘客減少使用即棄塑膠餐具或容器嘅活動,預期會有逾千乘客受惠。新渡輪話會視乎乘客反應,研究日後係唔係定期舉行。

上 / 下一篇新聞